Am I supposed to cry or not?

Show all answers

Friggy Frigg~la bella vita~

hahahah dat used tuh happen tuh me too jed-- i used tuh cry before d licks start tuh share, hopin dat wuda make she feel sorry fuh meh, i soon realise dat wasn't workin everytime i did start tuh cry, she used tuh say'"wha u cryin for" "yuh wha meh give yuh somethin tuh cry for" and is den self d cut tail gettin worse hahahah make it worse when she beatin meh she's like, well answer meh and when i lookin tuh ansa, "oh yuh have back chat, yuh feel yuh is oman now" ahhaha is like what u really want me tuh do oman? cry or doh cry hahahah

Jouvert

CRY boy! Yuh go get de licks anyway, but when yuh doh cry den dey feel yuh "standing up" fuh dem. Bawl like a cow jed.

julien

i eh know wha allyuh talking bout (polishing meh halo) i is ah good boy.... still, tru tru i eh go lie for allyuh

curious!

is tears de like to see! Makes no sense playing brave, and if yuh bawling de want yuh to hush!

hottawarrior - win lose or draw

boy, cry ah river ah tears for them, cause either way yuh getting licks, cry or no cry. but if yuh ent cry is more licks, cause then yuh feel yuh is man, or ooman for dem, and yuh standing up to dem...

"next ting you would go want to lick meh down, eh, yuh feel you is ooman in this house???" when you see who ever beating yuh get to that part KNOW yuh cuttail going and get worse. looooooooooool

oohhh garm........meh grandmother was famous for that oui. lol. if you see she 5 foot tall, round like a butter ball turkey (hehehhe) giving meh cousin ah cut tail (and he is almost 6 feet). she would grab him by d neck and drag him down to she height and den cut he skin. loooooooooooooooool, dat used to be reall good dred lol.

**AccessDenied**

lol...dat happen i get dem lines when i didnt want to take my medicine..wha u cryin for take d blasted tablet...wait lemme get d belt, take d damn thing...u want me give u something to cry for...wap wap...lol

triniwondagirl

yeah boy i used to be confused after a while yes
i used to cry as soon as dey say licks and ah see de belt or whateva she had in she hand
den she used to say wha yuh cryin for???like yuh want me give yuh something to make yuh cry eh??
den what yuh crying for??
then wehn yuh eh cry...while gettin licks to some lil speech.....she want tuh know why yuh eh crying
if yuh feel yuh too big for licks...and start to pelt dong more with a fire jed....and is bess uh cry cuz she nuh stop till yuh cry yess
but i did need tht to sort meh out
ah was good bad

Trinisoccer

That is ah no win situation.

stella39

Darren Ali, some day you will understand. I must say you are are very funny and you made me smile.

Good Luck and go with the flow for now.)

heather r

do what you feel is right

Re$h

hahaaaaa, ah see dat happen already, lol..
ah waiting to see frigg answer, whey yuh girl?

michelle obama

@ Daren,i guess you prove that you have real old time parents,thats the way.

Nika

Is cry dem like tuh see boy...but you eva tell dem tuh make up dey mind? LMAO!! I did ask meh mudda dat one time and she han stop in midair like she in a Matrix movie jed...was jes watchin me ent blinkin or nuttin. Well, she put she han down and go back tuh de kitchen not sayin a word so I dey feelin like a shillin. Few hours later, meh bedroom door open an is Daddy come from wuk, de leather in he han, tunda on he face and allyuh know how dat one end up... (as fuh me...cyah rememba too much afta de fus few watap) LOL!

Enter Your Message or Comment

User Name:
User Email:
Post a comment: