Who cah take horn more, Trini man or Trini woman?

Leh meh give all yuh ah example. If hottadanpepa tell me that Jouvertgirl horning she man and she see she and the outside man at 51 last Friday more lovy dubby than teenages. You t'ing the man go take that hardder than leh we say hottadan tell meh that she had to tell Gibbsy how she see she man and Izzy in Gulf City mall on Izzy last trip. Yuh t'ink Gibbsy go take it hardder than the man?

Now remember this is all hypertectical. Hottadanpepa never send me a private e-mail stating all that. Nor did Hotta' tell my mother who sew clothes for her. I don't know Hotta and she doh 'no me.

P.S. Hotta' tell aunty Nora ah go call this weekend and mammy say to tell yuh mom thanks for the dinner Friday.
Additional Details
P.S. Ehh all yuh keep this on the hush, hush. Yuh know who ha to worry about horn is Allnaturalred man. Yeh know Kingman. She going an live Trini. When yuh see she see them ras who swinging they dreads in slowmotion, like they ah blonde on TV. Oh yeah and the Ras and them who buff and playing paddle ball on the beach.

Yeh know she go be in heavan. But, all yeh a'int here a t'ing from me... Doh make she see this. Keep it on the hush, hush all yuh promise.